أنا من تلت أرباع الساعة كنت بالجامع الأموي
ورح احكي شو صار هنيك
والله العظيم ما بكذب ولا بكلمة وحدة
والله العظيم
الخطبة كانت كتير عادية
...بعد ما خلصت الصلاة
بعد ما خلصت مباشرة بصرخ شخص وبيقول
في 30 شخص اعتقلوهن أول مبارح ونحن لسا قاعدين
وبيضل يصرخ وقتها بيسود بالجامع كلو صمت
بعد نص دقيقة بيصير النا س يصرخو يعيطو ويقولو الله سورية حرية وبس
بهي الأوقات النص التاني من الناس
شفتهن بعيني وهنن عم يهربو برا الجامع متل الفيران شفتهن بعيني وهنن عم يركدوا
وكمان بيطلع شب حامل كرتونة مكتوب عليها " لا للقمع نعم للحرية "
وكان في أكتر من عشرين كميرا عم تصور
وبيضل الشباب يهتفو تقريبا شي خمس دقايق
بعدها بيمشوا ليطلعوا من الجامع
وهنن ماشيين ليطلعو من الباب اللي بيطل عسوق الحميدية
لما وصلو عالباب بيفوت من الباب حاولي 50 شخص من الأمن
والله العظيم بحوالي ال 50 شخص منهن الشباب ومنهن الرجال حاملين هراوات
والله منظرهن وهننن فايتين ولا كأنو يهود والله العظيم
كانو بإيد حاملين هراوة وبالإيد التانية رافعينها وعم يقولو الله سوريا بشار وبس
والله العظيم منظرهن ما بعرف كيف بدي أوصفو
أنا وقتها رجعت طلعت من الباب اللي بيطل على سوق الصاغة
رحت عالباب اللي بيطل عسوق الحميدية وصرت استنى برا
فجأة ما بعرف كيف
بتطلع لافتات للحزب ولبشار ولحافظ
وأعلام
من وين طلعت ما بعرف
بعد فترة عشر دقايق بيطلع من الجامع حوالي 25 شخص من الأمن وعم يهتفو لبشار
بس البقية من الأمن ضول جوا
وضل جوا كمان الشباب الأبطال
بعد دقيقتين بيسكروا بالب االجامع
يا جماعة سكروا الباب والأمن والشباب جوا
غير رب العالمين هلأ ما بيعرف شو صار بالشباب
!!!!والله يمكن صارت مجزرة جوا
محمد
ليست هناك تعليقات:
إرسال تعليق